16.1 พนฺธุชีวกตฺเถรอปทาน
1.
2353
“จนฺทํว วิมลํ สุทฺธํ,
วิปฺปสนฺนมนาวิลํ;
นนฺทีภวปริกฺขีณํ,
ติณฺณํ โลเก วิสตฺติกํ.
2.
2354
นิพฺพาปยนฺตํ ชนตํ,
ติณฺณํ ตารยตํ วรํ;
มุนิํ วนมฺหิ ฌายนฺตํ,
เอกคฺคํ สุสมาหิตํ.
3.
2355
พนฺธุชีวกปุปฺผานิ,
ลเคตฺวา สุตฺตเกนหํ;
พุทฺธสฺส อภิโรปยิํ,
สิขิโน โลกพนฺธุโน.
4.
2356
เอกตฺติํเส อิโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
พุทฺธปูชายิทํ ผลํ.
5.
2357
อิโต สตฺตมเก กปฺเป,_
มนุชินฺโท มหายโส;
สมนฺตจกฺขุ นามาสิ,
จกฺกวตฺตี มหพฺพโล.
6.
2358
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
2359
อิตฺถํ สุทํ อายสฺมา พนฺธุชีวโก เถโร อิมา คาถาโย อภาสิตฺถาติ.
2360
พนฺธุชีวกตฺเถรสฺสาปทานํ ปฐมํ.