16.8 นาคปุปฺผิยตฺเถรอปทาน
39.
2405
“สุวจฺโฉ นาม นาเมน,
พฺราหฺมโณ มนฺตปารคู;
ปุรกฺขโต สสิเสฺสหิ,
วสเต ปพฺพตนฺตเร.
40.
2406
ปทุมุตฺตโร นาม ชิโน,
อาหุตีนํ ปฏิคฺคโห;
มมุทฺธริตุกาโม โส,
อาคจฺฉิ มม สนฺติกํ.
41.
2407
เวหาสมฺหิ จงฺกมติ,
ธูปายติ ชลเต ตถา;
หาสํ มมํ วิทิตฺวาน,
ปกฺกามิ ปาจินามุโข.
42.
2408
ตญฺจ อจฺฉริยํ ทิสฺวา,
อพฺภุตํ โลมหํสนํ;
นาคปุปฺผํ คเหตฺวาน,
คตมคฺคมฺหิ โอกิริํ.
43.
2409
สตสหสฺสิโต กปฺเป,
ยํ ปุปฺผํ โอกิริํ อหํ;
เตน จิตฺตปฺปสาเทน,
ทุคฺคติํ นุปปชฺชหํ.
44.
2410
เอกตฺติํเส กปฺปสเต,
ราชา อาสิ มหารโห;
สตฺตรตนสมฺปนฺโน,
จกฺกวตฺตี มหพฺพโล.
45.
2411
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2412
อิตฺถํ สุทํ อายสฺมา นาคปุปฺผิโย เถโร อิมา คาถาโย อภาสิตฺถาติ.
2413
นาคปุปฺผิยตฺเถรสฺสาปทานํ อฏฺฐมํ.