17.2 กณเวรปุปฺผิยตฺเถรอปทาน
7.
2441
“สิทฺธตฺโถ นาม ภควา,
โลกเชฏฺโฐ นราสโภ;
ปุรกฺขโต สาวเกหิ,
นครํ ปฏิปชฺชถ.
8.
2442
รญฺโญ อนฺเตปุเร อาสิํ,
โคปโก อภิสมฺมโต;
ปาสาเท อุปวิฏฺโฐหํ,
อทฺทสํ โลกนายกํ.
9.
2443
กณเวรํ คเหตฺวาน,
ภิกฺขุสํเฆ สโมกิริํ;
พุทฺธสฺส วิสุํ กตฺวาน,
ตโต ภิโยฺย สโมกิริํ.
10.
2444
จตุนฺนวุติโต กปฺเป,
ยํ ปุปฺผมภิปูชยิํ;
ทุคฺคติํ นาภิชานามิ,
พุทฺธปูชายิทํ ผลํ.
11.
2445
สตฺตาสีติมฺหิโต กปฺเป,
จตุราสุํ มหิทฺธิกา;
สตฺตรตนสมฺปนฺนา,
จกฺกวตฺตี มหพฺพลา.
12.
2446
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2447
อิตฺถํ สุทํ อายสฺมา กณเวรปุปฺผิโย เถโร อิมา คาถาโย อภาสิตฺถาติ.
2448
กณเวรปุปฺผิยตฺเถรสฺสาปทานํ ทุติยํ.