17.9 สมาทปกตฺเถรอปทาน
44.
2492
“นคเร พนฺธุมติยา,
มหาปูคคโณ อหุ;
เตสาหํ ปวโร อาสิํ,
มม พทฺธจรา จ เต.
45.
2493
สพฺเพ เต สนฺนิปาเตตฺวา,
ปุญฺญกมฺเม สมาทยิํ;
มาฬํ กสฺสาม สํฆสฺส,
ปุญฺญกฺเขตฺตํ อนุตฺตรํ.
46.
2494
สาธูติ เต ปฏิสฺสุตฺวา,
มม ฉนฺทวสานุคา;
นิฏฺฐาเปตฺวา จ ตํ มาฬํ,
วิปสฺสิสฺส อทมฺหเส.
47.
2495
เอกนวุติโต กปฺเป,
ยํ มาฬมททิํ ตทา;
ทุคฺคติํ นาภิชานามิ,
มาฬทานสฺสิทํ ผลํ.
48.
2496
เอกูนสตฺตติกปฺเป,
เอโก อาสิ ชนาธิโป;
อาเทโยฺย นาม นาเมน,
จกฺกวตฺตี มหพฺพโล.
49.
2497
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2498
อิตฺถํ สุทํ อายสฺมา สมาทปโก เถโร อิมา คาถาโย อภาสิตฺถาติ.
2499
สมาทปกตฺเถรสฺสาปทานํ นวมํ.