18.1 กุมุทมาลิยตฺเถรอปทาน
1.
2510
“ปพฺพเต หิมวนฺตมฺหิ,
มหาชาตสฺสโร อหุ;
ตตฺถโช รกฺขโส อาสิํ,
โฆรรูโป มหพฺพโล.
2.
2511
กุมุทํ ปุปฺผเต ตตฺถ,
จกฺกมตฺตานิ ชายเร;
โอจินามิ จ ตํ ปุปฺผํ,
พลิโน สมิติํ ตทา.
3.
2512
อตฺถทสฺสี ตุ ภควา,
ทฺวิปทินฺโท นราสโภ;
ปุปฺผสงฺโกจิตํ ทิสฺวา,
อาคจฺฉิ มม สนฺติกํ.
4.
2513
อุปาคตญฺจ สมฺพุทฺธํ,_
เทวเทวํ นราสภํ;
สพฺพญฺจ ปุปฺผํ ปคฺคยฺห,
พุทฺธสฺส อภิโรปยิํ.
5.
2514
ยาวตา หิมวนฺตนฺตา,
ปริสา สา ตทา อหุ;
ตาวจฺฉทนสมฺปนฺโน,
อคมาสิ ตถาคโต.
6.
2515
อฏฺฐารเส กปฺปสเต,
ยํ ปุปฺผมภิโรปยิํ;
ทุคฺคติํ นาภิชานามิ,
พุทฺธปูชายิทํ ผลํ.
7.
2516
อิโต ปนฺนรเส กปฺเป,_
สตฺตาเหสุํ ชนาธิปา;
สหสฺสรถนามา เต,
จกฺกวตฺตี มหพฺพลา.
8.
2517
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
2518
อิตฺถํ สุทํ อายสฺมา กุมุทมาลิโย เถโร อิมา คาถาโย อภาสิตฺถาติ.
2519
กุมุทมาลิยตฺเถรสฺสาปทานํ ปฐมํ.