19.10 ติวณฺฏิปุปฺผิยตฺเถรอปทาน
57.
2655
“อภิภูตํ ปนิชฺฌนฺติ,
สพฺเพ สงฺคมฺม เต มมํ;
เตสํ นิชฺฌายมานานํ,
ปริฬาโห อชายถ.
58.
2656
สุนนฺโท นาม นาเมน,
พุทฺธสฺส สาวโก ตทา;
ธมฺมทสฺสิสฺส มุนิโน,
อาคจฺฉิ มม สนฺติกํ.
59.
2657
เย เม พทฺธจรา อาสุํ,
เต เม ปุปฺผํ อทุํ ตทา;
ตาหํ ปุปฺผํ คเหตฺวาน,
สาวเก อภิโรปยิํ.
60.
2658
โสหํ กาลงฺกโต ตตฺถ,
ปุนาปิ อุปปชฺชหํ;
อฏฺฐารเส กปฺปสเต,
วินิปาตํ น คจฺฉหํ.
61.
2659
เตรเสโต กปฺปสเต,
อฏฺฐาสุํ ธูมเกตุโน;
สตฺตรตนสมฺปนฺนา,
จกฺกวตฺตี มหพฺพลา.
62.
2660
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (2208)
2661
อิตฺถํ สุทํ อายสฺมา ติวณฺฏิปุปฺผิโย เถโร อิมา คาถาโย อภาสิตฺถาติ.
2662
ติวณฺฏิปุปฺผิยตฺเถรสฺสาปทานํ ทสมํ.
2663
กุฏชปุปฺผิยวคฺโค เอกูนวีสติโม.
2664
ตสฺสุทฺทานํ
2665
กุฏโช พนฺธุชีวี จ,
โกฏุมฺพริกหตฺถิโย;
อิสิมุคฺโค จ โพธิ จ,_
เอกจินฺตี ติกณฺณิโก;
เอกจารี ติวณฺฏิ จ,
คาถา ทฺวาสฏฺฐิ กิตฺติตาติ.