19.5 อิสิมุคฺคทายกตฺเถรอปทาน
24.
2612
“อุเทนฺตํ สตรํสิํว,
ปีตรํสิํว ภาณุมํ;
กกุธํ วิลสนฺตํว,
ปทุมุตฺตรนายกํ.
25.
2613
อิสิมุคฺคานิ ปิสิตฺวา,_
มธุขุทฺเท อนีฬเก;
ปาสาเทว ฐิโต สนฺโต,
อทาสิํ โลกพนฺธุโน.
26.
2614
อฏฺฐสตสหสฺสานิ,
อเหสุํ พุทฺธสาวกา;
สพฺเพสํ ปตฺตปูเรนฺตํ,
ตโต จาปิ พหุตฺตรํ.
27.
2615
เตน จิตฺตปฺปสาเทน,
สุกฺกมูเลน โจทิโต;
กปฺปานํ สตสหสฺสํ,
ทุคฺคติํ นุปปชฺชหํ.
28.
2616
จตฺตาลีสมฺหิ สหเสฺส,
กปฺปานํ อฏฺฐติํส เต;
อิสิมุคฺคสนามา เต,_
จกฺกวตฺตี มหพฺพลา.
29.
2617
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2618
อิตฺถํ สุทํ อายสฺมา อิสิมุคฺคทายโก เถโร อิมา คาถาโย อภาสิตฺถาติ.
2619
อิสิมุคฺคทายกตฺเถรสฺสาปทานํ ปญฺจมํ.