2.3 นนฺทตฺเถรอปทาน
27.
726
“ปทุมุตฺตรสฺส ภควโต,
โลกเชฏฺฐสฺส ตาทิโน;
วตฺถํ โขมํ มยา ทินฺนํ,
สยมฺภุสฺส มเหสิโน.
28.
727
ตํ เม พุทฺโธ วิยากาสิ,
ชลชุตฺตรนามโก;
‘อิมินา วตฺถทาเนน,
เหมวณฺโณ ภวิสฺสสิ.
29.
728
ทฺเว สมฺปตฺตี อนุโภตฺวา,
กุสลมูเลหิ โจทิโต;
โคตมสฺส ภควโต,
กนิฏฺโฐ ตฺวํ ภวิสฺสสิ.
30.
729
ราครตฺโต สุขสีโล,
กาเมสุ เคธมายุโต;
พุทฺเธน โจทิโต สนฺโต,
ตทา ตฺวํ ปพฺพชิสฺสสิ.
31.
730
ปพฺพชิตฺวาน ตฺวํ ตตฺถ,
กุสลมูเลน โจทิโต;
สพฺพาสเว ปริญฺญาย,
นิพฺพายิสฺสสินาสโว’.
32.
731
สตฺต กปฺปสหสฺสมฺหิ,
จตุโร เจฬนามกา;
สฏฺฐิ กปฺปสหสฺสมฺหิ,
อุปเจลา จตุชฺชนา._
33.
732
ปญฺจ กปฺปสหสฺสมฺหิ,
เจฬาว จตุโร ชนา;
สตฺตรตนสมฺปนฺนา,
จตุทีปมฺหิ อิสฺสรา.
34.
733
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
734
อิตฺถํ สุทํ อายสฺมา นนฺโท เถโร อิมา คาถาโย อภาสิตฺถาติ.
735
นนฺทตฺเถรสฺสาปทานํ ตติยํ.