20.6 กิสลยปูชกตฺเถรอปทาน
28.
2703
“นคเร ทฺวารวติยา,
มาลาวจฺโฉ มมํ อหุ;
อุทปาโน จ ตตฺเถว,_
ปาทปานํ วิโรหโน.
29.
2704
สพเลน อุปตฺถทฺโธ,
สิทฺธตฺโถ อปราชิโต;
มมานุกมฺปมาโน โส,
คจฺฉเต อนิลญฺชเส.
30.
2705
อญฺญํ กิญฺจิ น ปสฺสามิ,
ปูชาโยคฺคํ มเหสิโน;
อโสกํ ปลฺลวํ ทิสฺวา,
อากาเส อุกฺขิปิํ อหํ.
31.
2706
พุทฺธสฺส เต กิสลยา,
คจฺฉโต ยนฺติ ปจฺฉโต;
ตาหํ ทิสฺวาน สํวิชิํ,
อโห พุทฺธสฺสุฬารตา.
32.
2707
จตุนฺนวุติโต กปฺเป,
ปลฺลวํ อภิโรปยิํ;
ทุคฺคติํ นาภิชานามิ,
พุทฺธปูชายิทํ ผลํ.
33.
2708
สตฺตติํเส อิโต กปฺเป,
เอโก เอกิสฺสโร อหุ;
สตฺตรตนสมฺปนฺโน,
จกฺกวตฺตี มหพฺพโล.
34.
2709
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2710
อิตฺถํ สุทํ อายสฺมา กิสลยปูชโก เถโร อิมา คาถาโย อภาสิตฺถาติ.
2711
กิสลยปูชกตฺเถรสฺสาปทานํ ฉฏฺฐํ.