20.7 ตินฺทุกทายกตฺเถรอปทาน
35.
2712
“คิริทุคฺคจโร อาสิํ,
มกฺกโฏ ถามเวคิโก;
ผลินํ ตินฺทุกํ ทิสฺวา,
พุทฺธเสฏฺฐํ อนุสฺสริํ.
36.
2713
นิกฺขมิตฺวา กติปาหํ,
วิจินิํ โลกนายกํ;
ปสนฺนจิตฺโต สุมโน,
สิทฺธตฺถํ ติภวนฺตคุํ.
37.
2714
มม สงฺกปฺปมญฺญาย,
สตฺถา โลเก อนุตฺตโร;
ขีณาสวสหเสฺสหิ,
อาคจฺฉิ มม สนฺติกํ.
38.
2715
ปาโมชฺชํ ชนยิตฺวาน,
ผลหตฺโถ อุปาคมิํ;
ปฏิคฺคเหสิ ภควา,
สพฺพญฺญู วทตํ วโร.
39.
2716
จตุนฺนวุติโต กปฺเป,
ยํ ผลํ อททิํ ตทา;
ทุคฺคติํ นาภิชานามิ,
ผลทานสฺสิทํ ผลํ.
40.
2717
สตฺตปญฺญาสกปฺปมฺหิ,
อุปนนฺทสนามโก;_
สตฺตรตนสมฺปนฺโน,
จกฺกวตฺตี มหพฺพโล.
41.
2718
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2719
อิตฺถํ สุทํ อายสฺมา ตินฺทุกทายโก เถโร อิมา คาถาโย อภาสิตฺถาติ.
2720
ตินฺทุกทายกตฺเถรสฺสาปทานํ สตฺตมํ.