20.9 กิํกณิกปุปฺผิยตฺเถรอปทาน
47.
2728
“สุมงฺคโลติ นาเมน,
สยมฺภู อปราชิโต;
ปวนา นิกฺขมิตฺวาน,
นครํ ปาวิสี ชิโน.
48.
2729
ปิณฺฑจารํ จริตฺวาน,
นิกฺขมฺม นครา มุนิ;
กตกิจฺโจว สมฺพุทฺโธ,
โส วสี วนมนฺตเร.
49.
2730
กิํกณิปุปฺผํ ปคฺคยฺห,
พุทฺธสฺส อภิโรปยิํ;
ปสนฺนจิตฺโต สุมโน,
สยมฺภุสฺส มเหสิโน.
50.
2731
จตุนฺนวุติโต กปฺเป,
ยํ ปุปฺผมภิโรปยิํ;
ทุคฺคติํ นาภิชานามิ,
พุทฺธปูชายิทํ ผลํ.
51.
2732
ฉฬาสีติมฺหิโต กปฺเป,
อปิลาสิสนามโก;
สตฺตรตนสมฺปนฺโน,
จกฺกวตฺตี มหพฺพโล.
52.
2733
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2734
อิตฺถํ สุทํ อายสฺมา กิํกณิกปุปฺผิโย เถโร อิมา คาถาโย อภาสิตฺถาติ.
2735
กิํกณิกปุปฺผิยตฺเถรสฺสาปทานํ นวมํ.