21.10 ปาปนิวาริยตฺเถรอปทาน
44.
2811
“ติสฺสสฺส ตุ ภควโต,
เทวเทวสฺส ตาทิโน;
เอกจฺฉตฺตํ มยา ทินฺนํ,
วิปฺปสนฺเนน เจตสา.
45.
2812
นิวุตํ โหติ เม ปาปํ,
กุสลสฺสุปสมฺปทา;
อากาเส ฉตฺตํ ธาเรนฺติ,
ปุพฺพกมฺมสฺสิทํ ผลํ.
46.
2813
จริมํ วตฺตเต มยฺหํ,
ภวา สพฺเพ สมูหตา;
ธาเรมิ อนฺติมํ เทหํ,
สมฺมาสมฺพุทฺธสาสเน.
47.
2814
ทฺเวนวุเต อิโต กปฺเป,
ยํ ฉตฺตมททิํ ตทา;
ทุคฺคติํ นาภิชานามิ,
ฉตฺตทานสฺสิทํ ผลํ.
48.
2815
ทฺเวสตฺตติมฺหิโต กปฺเป,
อฏฺฐาสิํสุ ชนาธิปา;
มหานิทานนาเมน,
ราชาโน จกฺกวตฺติโน.
49.
2816
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (2314)
2817
อิตฺถํ สุทํ อายสฺมา ปาปนิวาริโย เถโร อิมา คาถาโย อภาสิตฺถาติ.
2818
ปาปนิวาริยตฺเถรสฺสาปทานํ ทสมํ.
2819
กณิการปุปฺผิยวคฺโค เอกวีสติโม.
2820
ตสฺสุทฺทานํ
2821
กณิกาโร มิเนลญฺจ,
กิงฺกณิ ตรเณน จ;
นิคฺคุณฺฑิปุปฺผี ทกโท,
สลโล จ กุรณฺฑโก;
อาธารโก ปาปวารี,
อฏฺฐตาลีส คาถกาติ.