22.1 หตฺถิทายกตฺเถรอปทาน
1.
2822
“สิทฺธตฺถสฺส ภควโต,
ทฺวิปทินฺทสฺส ตาทิโน;
นาคเสฏฺโฐ มยา ทินฺโน,
อีสาทนฺโต อุรูฬฺหวา.
2.
2823
อุตฺตมตฺถํ อนุโภมิ,_
สนฺติปทมนุตฺตรํ;
นาคทานํ มยา ทินฺนํ,
สพฺพโลกหิเตสิโน.
3.
2824
จตุนฺนวุติโต กปฺเป,
ยํ นาค มททิํ ตทา;
ทุคฺคติํ นาภิชานามิ,
นาคทานสฺสิทํ ผลํ.
4.
2825
อฏฺฐสตฺตติกปฺปมฺหิ,
โสฬสาสิํสุ ขตฺติยา;
สมนฺตปาสาทิกา นาม,
จกฺกวตฺตี มหพฺพลา.
5.
2826
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
2827
อิตฺถํ สุทํ อายสฺมา หตฺถิทายโก เถโร อิมา คาถาโย อภาสิตฺถาติ.
2828
หตฺถิทายกตฺเถรสฺสาปทานํ ปฐมํ.