23.1 อาลมฺพณทายกตฺเถรอปทาน
1.
2899
“อตฺถทสฺสิสฺส ภควโต,
โลกเชฏฺฐสฺส ตาทิโน;
อาลมฺพณํ มยา ทินฺนํ,
ทฺวิปทินฺทสฺส ตาทิโน.
2.
2900
ธรณิํ ปฏิปชฺชามิ,
วิปุลํ สาครปฺปรํ;
ปาเณสุ จ อิสฺสริยํ,
วตฺเตมิ วสุธาย จ.
3.
2901
กิเลสา ฌาปิตา มยฺหํ,
ภวา สพฺเพ สมูหตา;
ติโสฺส วิชฺชา อนุปฺปตฺตา,
กตํ พุทฺธสฺส สาสนํ.
4.
2902
อิโต ทฺเวสฏฺฐิกปฺปมฺหิ,_
ตโย อาสิํสุ ขตฺติยา;
เอกาปสฺสิตนามา เต,
จกฺกวตฺตี มหพฺพลา.
5.
2903
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
2904
อิตฺถํ สุทํ อายสฺมา อาลมฺพณทายโก เถโร อิมา คาถาโย อภาสิตฺถาติ.
2905
อาลมฺพณทายกตฺเถรสฺสาปทานํ ปฐมํ.