23.2 อชินทายกตฺเถรอปทาน
6.
2906
“เอกตฺติํเส อิโต กปฺเป,
คณสตฺถารโก อหํ;
อทฺทสํ วิรชํ พุทฺธํ,
อาหุตีนํ ปฏิคฺคหํ.
7.
2907
จมฺมขณฺฑํ มยา ทินฺนํ,
สิขิโน โลกพนฺธุโน;
เตน กมฺเมน ทฺวิปทินฺท,
โลกเชฏฺฐ นราสภ.
8.
2908
สมฺปตฺติํ อนุโภตฺวาน,
กิเลเส ฌาปยิํ อหํ;
ธาเรมิ อนฺติมํ เทหํ,
สมฺมาสมฺพุทฺธสาสเน.
9.
2909
เอกตฺติํเส อิโต กปฺเป,
อชินํ ยํ อทาสหํ;
ทุคฺคติํ นาภิชานามิ,
อชินสฺส อิทํ ผลํ.
10.
2910
อิโต ปญฺจมเก กปฺเป,_
ราชา อาสิํ สุทายโก;
สตฺตรตนสมฺปนฺโน,
จกฺกวตฺตี มหพฺพโล.
11.
2911
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2912
อิตฺถํ สุทํ อายสฺมา อชินทายโก เถโร อิมา คาถาโย อภาสิตฺถาติ.
2913
อชินทายกตฺเถรสฺสาปทานํ ทุติยํ.