23.3 ทฺเวรตนิยตฺเถรอปทาน
12.
2914
“มิคลุทฺโท ปุเร อาสิํ,
อรญฺเญ กานเน อหํ;
อทฺทสํ วิรชํ พุทฺธํ,
อาหุตีนํ ปฏิคฺคหํ.
13.
2915
มํสเปสิ มยา ทินฺนา,
วิปสฺสิสฺส มเหสิโน;
สเทวกสฺมิํ โลกสฺมิํ,
อิสฺสรํ การยามหํ._
14.
2916
อิมินา มํสทาเนน,_
รตนํ นิพฺพตฺตเต มม;
ทุเวเม รตนา โลเก,
ทิฏฺฐธมฺมสฺส ปตฺติยา.
15.
2917
เตหํ สพฺเพ อนุโภมิ,
มํสทานสฺส สตฺติยา;
คตฺตญฺจ มุทุกํ มยฺหํ,
ปญฺญา นิปุณเวทนี.
16.
2918
เอกนวุติโต กปฺเป,
ยํ มํสมททิํ ตทา;
ทุคฺคติํ นาภิชานามิ,
มํสทานสฺสิทํ ผลํ.
17.
2919
อิโต จตุตฺถเก กปฺเป,_
เอโก อาสิํ ชนาธิโป;
มหาโรหิตนาโม โส,
จกฺกวตฺตี มหพฺพโล.
18.
2920
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2921
อิตฺถํ สุทํ อายสฺมา ทฺเวรตนิโย เถโร อิมา คาถาโย อภาสิตฺถาติ.
2922
ทฺเวรตนิยตฺเถรสฺสาปทานํ ตติยํ.
ทสมํ ภาณวารํ.