23.9 สุกตาเวฬิยตฺเถรอปทาน
43.
2957
“อสิโต นาม นาเมน,
มาลากาโร อหํ ตทา;
อาเวฬํ ปคฺคเหตฺวาน,
รญฺโญ ทาตุํ วชามหํ.
44.
2958
อสมฺปตฺโตมฺหิ ราชานํ,
อทฺทสํ สิขินายกํ;
หฏฺโฐ หฏฺเฐน จิตฺเตน,
พุทฺธสฺส อภิโรปยิํ.
45.
2959
เอกตฺติํเส อิโต กปฺเป,
ยํ ปุปฺผมภิปูชยิํ;
ทุคฺคติํ นาภิชานามิ,
พุทฺธปูชายิทํ ผลํ.
46.
2960
ปญฺจวีเส อิโต กปฺเป,
ราชาโหสิํ มหพฺพโล;
เวภาโร นาม นาเมน,
จกฺกวตฺตี มหพฺพโล.
47.
2961
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2962
อิตฺถํ สุทํ อายสฺมา สุกตาเวฬิโย เถโร อิมา คาถาโย อภาสิตฺถาติ.
2963
สุกตาเวฬิยตฺเถรสฺสาปทานํ นวมํ.