24.10 วาสิทายกตฺเถรอปทาน
36.
3026
“กมฺมาโรหํ ปุเร อาสิํ,
ติวรายํ ปุรุตฺตเม;
เอกา วาสิ มยา ทินฺนา,
สยมฺภุํ อปราชิตํ.
37.
3027
จตุนฺนวุติโต กปฺเป,
ยํ วาสิมททิํ ตทา;
ทุคฺคติํ นาภิชานามิ,
วาสิทานสฺสิทํ ผลํ.
38.
3028
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (2457)
3029
อิตฺถํ สุทํ อายสฺมา วาสิทายโก เถโร อิมา คาถาโย อภาสิตฺถาติ.
3030
วาสิทายกตฺเถรสฺสาปทานํ ทสมํ.
3031
อุทกาสนวคฺโค จตุวีสติโม.
3032
ตสฺสุทฺทานํ
3033
อุทกาสนภาชนํ,_
สาลปุปฺผี กิลญฺชโก;
เวทิกา วณฺณกาโร จ,
ปิยาลอมฺพยาคโท;
ชคตี วาสิทาตา จ,
คาถา ติํส จ อฏฺฐ จ.