26.1 โถมกตฺเถรอปทาน
1.
3094
“เทวโลเก ฐิโต สนฺโต,
วิปสฺสิสฺส มเหสิโน;
ธมฺมํ สุณิตฺวา มุทิโต,
อิมํ วาจํ อภาสหํ._
2.
3095
‘นโม เต ปุริสาชญฺญ,
นโม เต ปุริสุตฺตม;
พหุชฺชนํ ตารยสิ,
เทเสนฺโต อมตํ ปทํ’.
3.
3096
เอกนวุติโต กปฺเป,
ยํ วาจมภณิํ ตทา;
ทุคฺคติํ นาภิชานามิ,
โถมนาย อิทํ ผลํ.
4.
3097
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
3098
อิตฺถํ สุทํ อายสฺมา โถมโก เถโร อิมา คาถาโย อภาสิตฺถาติ.
3099
โถมกตฺเถรสฺสาปทานํ ปฐมํ.