27.1 อากาสุกฺขิปิยตฺเถรอปทาน
1.
3158
“สุวณฺณวณฺณํ สิทฺธตฺถํ,
คจฺฉนฺตํ อนฺตราปเณ;
ชลชคฺเค ทุเว คยฺห,
อุปาคจฺฉิํ นราสภํ._
2.
3159
เอกญฺจ ปุปฺผํ ปาเทสุ,
พุทฺธเสฏฺฐสฺส นิกฺขิปิํ;
เอกญฺจ ปุปฺผํ ปคฺคยฺห,
อากาเส อุกฺขิปิํ อหํ.
3.
3160
จตุนฺนวุติโต กปฺเป,
ยํ ปุปฺผมภิโรปยิํ;
ทุคฺคติํ นาภิชานามิ,
ปุปฺผทานสฺสิทํ ผลํ.
4.
3161
อิโต ฉตฺติํสกปฺปมฺหิ,_
เอโก อาสิํ มหีปติ;
อนฺตลิกฺขกโร นาม,
จกฺกวตฺตี มหพฺพโล.
5.
3162
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
3163
อิตฺถํ สุทํ อายสฺมา อากาสุกฺขิปิโย เถโร อิมา คาถาโย อภาสิตฺถาติ.
3164
อากาสุกฺขิปิยตฺเถรสฺสาปทานํ ปฐมํ.