27.10 ตรณิยตฺเถรอปทาน
39.
3214
“สุวณฺณวณฺโณ สมฺพุทฺโธ,
วิปสฺสี ทกฺขิณารโห;
นทีตีเร ฐิโต สตฺถา,
ภิกฺขุสํฆปุรกฺขโต.
40.
3215
นาวา น วิชฺชเต ตตฺถ,
สนฺตารณี มหณฺณเว;
นทิยา อภินิกฺขมฺม,
ตาเรสิํ โลกนายกํ.
41.
3216
เอกนวุติโต กปฺเป,
ยํ ตาเรสิํ นรุตฺตมํ;
ทุคฺคติํ นาภิชานามิ,
ตรณาย อิทํ ผลํ.
42.
3217
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (2577)
3218
อิตฺถํ สุทํ อายสฺมา ตรณิโย เถโร อิมา คาถาโย อภาสิตฺถาติ.
3219
ตรณิยตฺเถรสฺสาปทานํ ทสมํ.
3220
ปทุมุกฺขิปวคฺโค สตฺตวีสติโม.
3221
ตสฺสุทฺทานํ
3222
อุกฺขิปี เตลจนฺที จ,_
ทีปโท จ พิฬาลิโท;
มจฺโฉ ชโว สฬลโท,
รกฺขโส ตรโณ ทส;
คาถาโย เจตฺถ สงฺขาตา,
ตาลีสํ เจกเมว จาติ.