29.2 ผลทายกตฺเถรอปทาน
5.
3293
“สิเนรุสมสนฺโตโส,
ธรณีสมสาทิโส;
วุฏฺฐหิตฺวา สมาธิมฺหา,
ภิกฺขาย มมุปฏฺฐิโต.
6.
3294
หรีตกํ อามลกํ,
อมฺพชมฺพุวิภีตกํ;
โกลํ ภลฺลาตกํ พิลฺลํ,
ผารุสกผลานิ จ.
7.
3295
สิทฺธตฺถสฺส มเหสิสฺส,
สพฺพโลกานุกมฺปิโน;
ตญฺจ สพฺพํ มยา ทินฺนํ,
วิปฺปสนฺเนน เจตสา.
8.
3296
จตุนฺนวุติโต กปฺเป,
ยํ ผลํ อททิํ ตทา;
ทุคฺคติํ นาภิชานามิ,
ผลทานสฺสิทํ ผลํ.
9.
3297
สตฺตปญฺญาสิโต กปฺเป,
เอกชฺโฌ นาม ขตฺติโย;
สตฺตรตนสมฺปนฺโน,
จกฺกวตฺตี มหพฺพโล.
10.
3298
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3299
อิตฺถํ สุทํ อายสฺมา ผลทายโก เถโร อิมา คาถาโย อภาสิตฺถาติ.
3300
ผลทายกตฺเถรสฺสาปทานํ ทุติยํ.