29.9 พุทฺธุปฏฺฐายิกตฺเถรอปทาน
38.
3340
“เวฏมฺภินีติ เม นามํ,
ปิตุสนฺตํ มมํ ตทา;
มม หตฺถํ คเหตฺวาน,
อุปานยิ มหามุนิํ._
39.
3341
อิเมมํ อุทฺทิสิสฺสนฺติ,_
พุทฺธา โลกคฺคนายกา;
เตหํ อุปฏฺฐิํ สกฺกจฺจํ,
ปสนฺโน เสหิ ปาณิภิ.
40.
3342
เอกตฺติํเส อิโต กปฺเป,
พุทฺเธ อุปฏฺฐหิํ ตทา;
ทุคฺคติํ นาภิชานามิ,
อุปฏฺฐานสฺสิทํ ผลํ._
41.
3343
เตวีสมฺหิ อิโต กปฺเป,
จตุโร อาสุ ขตฺติยา;
สมณุปฏฺฐากา นาม,
จกฺกวตฺตี มหพฺพลา.
42.
3344
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3345
อิตฺถํ สุทํ อายสฺมา พุทฺธุปฏฺฐายิโก เถโร อิมา คาถาโย อภาสิตฺถาติ.
3346
พุทฺธุปฏฺฐายิกตฺเถรสฺสาปทานํ นวมํ.