3.10 โขมทายกตฺเถรอปทาน
184.
1061
“นคเร พนฺธุมติยา,
อโหสิํ วาณิโช ตทา;
เตเนว ทารํ โปเสมิ,
โรเปมิ พีชสมฺปทํ.
185.
1062
รถิยํ ปฏิปนฺนสฺส,
วิปสฺสิสฺส มเหสิโน;
เอกํ โขมํ มยา ทินฺนํ,
กุสลตฺถาย สตฺถุโน.
186.
1063
เอกนวุติโต กปฺเป,
ยํ โขมมททิํ ตทา;
ทุคฺคติํ นาภิชานามิ,
โขมทานสฺสิทํ ผลํ.
187.
1064
สตฺตรเส อิโต กปฺเป,
เอโก สินฺธวสนฺธโน;
สตฺตรตนสมฺปนฺโน,
จตุทีปมฺหิ อิสฺสโร.
188.
1065
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”. (991)
1066
อิตฺถํ สุทํ อายสฺมา โขมทายโก เถโร อิมา คาถาโย อภาสิตฺถาติ.
1067
โขมทายกตฺเถรสฺสาปทานํ ทสมํ.
1068
ตสฺสุทฺทานํ
1069
สุภูติ อุปวาโน จ,
สรโณ สีลคาหโก;
อนฺนสํสาวโก ธูโป,
ปุลิโน อุตฺติเยน จ.
1070
อญฺชลี โขมทายี จ,
ทเสว ตติเย คเณ;
ปญฺจาสีติสตํ วุตฺตา,
คาถาโย สพฺพปิณฺฑิตา.
1071
สุภูติวคฺโค ตติโย.
1072
จตุตฺถภาณวารํ.