3.7 ปุลินปูชกตฺเถรอปทาน
165.
1036
“วิปสฺสิสฺส ภควโต,
โพธิยา ปาทปุตฺตเม;
ปุราณปุลินํ หิตฺวา,
สุทฺธปุลินมากิริํ.
166.
1037
เอกนวุติโต กปฺเป,
ยํ ปุลินมทาสหํ;
ทุคฺคติํ นาภิชานามิ,
ปุลินทานสฺสิทํ ผลํ.
167.
1038
ติํสติเม อิโต กปฺเป,
ราชา อาสิํ ชนาธิภู;
มหาปุลินนาเมน,
จกฺกวตฺตี มหพฺพโล.
168.
1039
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
1040
อิตฺถํ สุทํ อายสฺมา ปุลินปูชโก เถโร อิมา คาถาโย อภาสิตฺถาติ.
1041
ปุลินปูชกตฺเถรสฺสาปทานํ สตฺตมํ.