3.9 เอกญฺชลิกตฺเถรอปทาน
180.
1055
“สุวณฺณวณฺณํ สมฺพุทฺธํ,
คจฺฉนฺตํ อนฺตราปเณ;
วิปสฺสิํ สตฺถวาหคฺคํ,
นรวรํ วินายกํ.
181.
1056
อทนฺตทมนํ ตาทิํ,
มหาวาทิํ มหามติํ;
ทิสฺวา ปสนฺโน สุมโน,
เอกญฺชลิมกาสหํ.
182.
1057
เอกนวุติโต กปฺเป,
ยมญฺชลิํ กริํ ตทา;
ทุคฺคติํ นาภิชานามิ,
อญฺชลิสฺส อิทํ ผลํ.
183.
1058
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
1059
อิตฺถํ สุทํ อายสฺมา เอกญฺชลิโก เถโร อิมา คาถาโย อภาสิตฺถาติ.
1060
เอกญฺชลิกตฺเถรสฺสาปทานํ นวมํ.