30.1 จิตกปูชกตฺเถรอปทาน
1.
3358
“อชิโต นาม นาเมน,
อโหสิํ พฺราหฺมโณ ตทา;
อาหุติํ ยิฏฺฐุกาโมหํ,
นานาปุปฺผํ สมานยิํ.
2.
3359
ชลนฺตํ จิตกํ ทิสฺวา,
สิขิโน โลกพนฺธุโน;
ตญฺจ ปุปฺผํ สมาเนตฺวา,
จิตเก โอกิริํ อหํ.
3.
3360
เอกตฺติํเส อิโต กปฺเป,
ยํ ปุปฺผมภิปูชยิํ;
ทุคฺคติํ นาภิชานามิ,
พุทฺธปูชายิทํ ผลํ.
4.
3361
สตฺตวีเส อิโต กปฺเป,
สตฺตาสุํ มนุชาธิปา;
สุปชฺชลิตนามา เต,
จกฺกวตฺตี มหพฺพลา.
5.
3362
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
3363
อิตฺถํ สุทํ อายสฺมา จิตกปูชโก เถโร อิมา คาถาโย อภาสิตฺถาติ.
3364
จิตกปูชกตฺเถรสฺสาปทานํ ปฐมํ.