30.3 ฉตฺตทายกตฺเถรอปทาน
11.
3372
“ปุตฺโต มม ปพฺพชิโต,
กาสายวสโน ตทา;
โส จ พุทฺธตฺตํ สมฺปตฺโต,
นิพฺพุโต โลกปูชิโต.
12.
3373
วิจินนฺโต สกํ ปุตฺตํ,
อคมํ ปจฺฉโต อหํ;
นิพฺพุตสฺส มหนฺตสฺส,
จิตกํ อคมาสหํ.
13.
3374
ปคฺคยฺห อญฺชลิํ ตตฺถ,
วนฺทิตฺวา จิตกํ อหํ;
เสตจฺฉตฺตญฺจ ปคฺคยฺห,
อาโรเปสิํ อหํ ตทา.
14.
3375
จตุนฺนวุติโต กปฺเป,
ยํ ฉตฺตมภิโรปยิํ;
ทุคฺคติํ นาภิชานามิ,
ฉตฺตทานสฺสิทํ ผลํ.
15.
3376
ปญฺจวีเส อิโต กปฺเป,
สตฺต อาสุํ ชนาธิปา;
มหารหสนามา เต,
จกฺกวตฺตี มหพฺพลา.
16.
3377
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3378
อิตฺถํ สุทํ อายสฺมา ฉตฺตทายโก เถโร อิมา คาถาโย อภาสิตฺถาติ.
3379
ฉตฺตทายกตฺเถรสฺสาปทานํ ตติยํ.