30.7 เทสกิตฺตกตฺเถรอปทาน
31.
3400
“อุปสาลกนาโมหํ,
อโหสิํ พฺราหฺมโณ ตทา;
กานนํ วนโมคาฬฺหํ,
โลกเชฏฺฐํ นราสภํ.
32.
3401
ทิสฺวาน วนฺทิํ ปาเทสุ,
โลกาหุติปฏิคฺคหํ;
ปสนฺนจิตฺตํ มํ ญตฺวา,
พุทฺโธ อนฺตรธายถ.
33.
3402
กานนา อภินิกฺขมฺม,
พุทฺธเสฏฺฐมนุสฺสริํ;
ตํ เทสํ กิตฺตยิตฺวาน,
กปฺปํ สคฺคมฺหิ โมทหํ.
34.
3403
ทฺเวนวุเต อิโต กปฺเป,
ยํ เทสมภิกิตฺตยิํ;
ทุคฺคติํ นาภิชานามิ,
กิตฺตนาย อิทํ ผลํ.
35.
3404
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3405
อิตฺถํ สุทํ อายสฺมา เทสกิตฺตโก เถโร อิมา คาถาโย อภาสิตฺถาติ.
3406
เทสกิตฺตกตฺเถรสฺสาปทานํ สตฺตมํ.