31.10 ปพฺภารทายกตฺเถรอปทาน
47.
3496
“ปิยทสฺสิโน ภควโต,
ปพฺภาโร โสธิโต มยา;
ฆฏกญฺจ อุปฏฺฐาสิํ,
ปริโภคาย ตาทิโน.
48.
3497
ตํ เม พุทฺโธ วิยากาสิ,
ปิยทสฺสี มหามุนิ;
สหสฺสกณฺโฑ สตเภณฺฑุ,
ธชาลุ หริตามโย.
49.
3498
นิพฺพตฺติสฺสติ โส ยูโป,
รตนญฺจ อนปฺปกํ;
ปพฺภารทานํ ทตฺวาน,
กปฺปํ สคฺคมฺหิ โมทหํ.
50.
3499
อิโต พาตฺติํสกปฺปมฺหิ,_
สุสุทฺโธ นาม ขตฺติโย;
สตฺตรตนสมฺปนฺโน,
จกฺกวตฺตี มหพฺพโล.
51.
3500
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (2763)
3501
อิตฺถํ สุทํ อายสฺมา ปพฺภารทายโก เถโร อิมา คาถาโย อภาสิตฺถาติ.
3502
ปพฺภารทายกตฺเถรสฺสาปทานํ ทสมํ.
3503
ปทุมเกสรวคฺโค เอกติํสติโม.
3504
ตสฺสุทฺทานํ
3505
เกสรํ คนฺธมนฺนญฺจ,
ธมฺมสญฺญี ผเลน จ;
ปสาทารามทายี จ,
เลปโก พุทฺธสญฺญโก;
ปพฺภารโท จ คาถาโย,
เอกปญฺญาส กิตฺติตา.