31.6 สมฺปสาทกตฺเถรอปทาน
24.
3465
“‘นโม เต พุทฺธ วีรตฺถุ,
วิปฺปมุตฺโตสิ สพฺพธิ;
พฺยสนมฺหิ อนุปฺปตฺโต,
ตสฺส เม สรณํ ภว’.
25.
3466
สิทฺธตฺโถ ตสฺส พฺยากาสิ,
โลเก อปฺปฏิปุคฺคโล;
‘มโหทธิสโม สํโฆ,
อปฺปเมโยฺย อนุตฺตโร.
26.
3467
ตตฺถ ตฺวํ วิรเช เขตฺเต,
อนนฺตผลทายเก;
สํเฆ จิตฺตํ ปสาเทตฺวา,
สุพีชํ วาป โรปย’.
27.
3468
อิทํ วตฺวาน สพฺพญฺญู,_
โลกเชฏฺโฐ นราสโภ;
มเมว อนุสาสิตฺวา,
เวหาสํ นภมุคฺคมิ.
28.
3469
อจิรํ คตมตฺตมฺหิ,
สพฺพญฺญุมฺหิ นราสเภ;
มรณํ สมนุปฺปตฺโต,
ตุสิตํ อุปปชฺชหํ.
29.
3470
ตทาหํ วิรเช เขตฺเต,
อนนฺตผลทายเก;
สํเฆ จิตฺตํ ปสาเทตฺวา,
กปฺปํ สคฺคมฺหิ โมทหํ.
30.
3471
จตุนฺนวุติโต กปฺเป,
ปสาทมลภิํ ตทา;
ทุคฺคติํ นาภิชานามิ,
ปสาทสฺส อิทํ ผลํ.
31.
3472
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3473
อิตฺถํ สุทํ อายสฺมา สมฺปสาทโก เถโร อิมา คาถาโย อภาสิตฺถาติ.
3474
สมฺปสาทกตฺเถรสฺสาปทานํ ฉฏฺฐํ.