32.5 ปุปฺผาสนทายกตฺเถรอปทาน
20.
3533
“สุวณฺณวณฺณํ สมฺพุทฺธํ,
ปีตรํสิํว ภาณุมํ;
อวิทูเรน คจฺฉนฺตํ,
สิทฺธตฺถํ อปราชิตํ.
21.
3534
ตสฺส ปจฺจุคฺคมิตฺวาน,
ปเวเสตฺวาน อสฺสมํ;
ปุปฺผาสนํ มยา ทินฺนํ,
วิปฺปสนฺเนน เจตสา.
22.
3535
อญฺชลิํ ปคฺคเหตฺวาน,
เวทชาโต ตทา อหํ;
พุทฺเธ จิตฺตํ ปสาเทตฺวา,
ตํ กมฺมํ ปริณามยิํ.
23.
3536
ยํ เม อตฺถิ กตํ ปุญฺญํ,
สยมฺภุมฺหปราชิเต;
สพฺเพน เตน กุสเลน,
วิมโล โหมิ สาสเน.
24.
3537
จตุนฺนวุติโต กปฺเป,
ปุปฺผาสนมทํ ตทา;
ทุคฺคติํ นาภิชานามิ,
ปุปฺผาสนสฺสิทํ ผลํ.
25.
3538
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3539
อิตฺถํ สุทํ อายสฺมา ปุปฺผาสนทายโก เถโร อิมา คาถาโย อภาสิตฺถาติ.
3540
ปุปฺผาสนทายกตฺเถรสฺสาปทานํ ปญฺจมํ.