32.8 ติรํสิยตฺเถรอปทาน
39.
3558
“เกสริํ อภิชาตํว,
อคฺคิกฺขนฺธํว ปพฺพเต;
โอภาเสนฺตํ ทิสา สพฺพา,
สิทฺธตฺถํ ปพฺพตนฺตเร.
40.
3559
สูริยสฺส จ อาโลกํ,
จนฺทาโลกํ ตเถว จ;
พุทฺธาโลกญฺจ ทิสฺวาน,
วิตฺติ เม อุทปชฺชถ.
41.
3560
ตโย อาโลเก ทิสฺวาน,
สมฺพุทฺธํ สาวกุตฺตมํ;
เอกํสํ อชินํ กตฺวา,
สนฺถวิํ โลกนายกํ.
42.
3561
ตโย หิ อาโลกกรา,
โลเก โลกตโมนุทา;
จนฺโท จ สูริโย จาปิ,
พุทฺโธ จ โลกนายโก.
43.
3562
โอปมฺมํ อุปทเสฺสตฺวา,
กิตฺติโต เม มหามุนิ;
พุทฺธสฺส วณฺณํ กิตฺเตตฺวา,
กปฺปํ สคฺคมฺหิ โมทหํ.
44.
3563
จตุนฺนวุติโต กปฺเป,
ยํ พุทฺธมภิกิตฺตยิํ;
ทุคฺคติํ นาภิชานามิ,
กิตฺตนาย อิทํ ผลํ.
45.
3564
เอกสฏฺฐิมฺหิโต กปฺเป,
เอโก ญาณธโร อหุ;
สตฺตรตนสมฺปนฺโน,
จกฺกวตฺตี มหพฺพโล.
46.
3565
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3566
อิตฺถํ สุทํ อายสฺมา ติรํสิโย เถโร อิมา คาถาโย อภาสิตฺถาติ.
3567
ติรํสิยตฺเถรสฺสาปทานํ อฏฺฐมํ.