33.1 อุมาปุปฺผิยตฺเถรอปทาน
1.
3586
“สมาหิตํ สมาปนฺนํ,
สิทฺธตฺถมปราชิตํ;
สมาธินา อุปวิฏฺฐํ,
อทฺทสาหํ นรุตฺตมํ.
2.
3587
อุมาปุปฺผํ คเหตฺวาน,_
พุทฺธสฺส อภิโรปยิํ;
สพฺพปุปฺผา เอกสีสา,
อุทฺธํวณฺฏา อโธมุขา._
3.
3588
สุจิตฺตา วิย ติฏฺฐนฺเต,
อากาเส ปุปฺผสนฺถรา;
เตน จิตฺตปฺปสาเทน,
ตุสิตํ อุปปชฺชหํ.
4.
3589
จตุนฺนวุติโต กปฺเป,
ยํ ปุปฺผมภิปูชยิํ;
ทุคฺคติํ นาภิชานามิ,
พุทฺธปูชายิทํ ผลํ.
5.
3590
ปญฺจปญฺญาสิโต กปฺเป,
เอโก อาสิํ มหีปติ;
สมนฺตฉทโน นาม,
จกฺกวตฺตี มหพฺพโล.
6.
3591
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
3592
อิตฺถํ สุทํ อายสฺมา อุมาปุปฺผิโย เถโร อิมา คาถาโย อภาสิตฺถาติ.
3593
อุมาปุปฺผิยตฺเถรสฺสาปทานํ ปฐมํ.