33.8 สุมนาเวฬิยตฺเถรอปทาน
“เวสฺสภุสฺส ภควโต,
โลกเชฏฺฐสฺส ตาทิโน;
สพฺเพ ชนา สมาคมฺม,
มหาปูชํ กโรนฺติ เต.
สุธาย ปิณฺฑํ กตฺวาน,
อาเวฬํ สุมนายหํ;
สีหาสนสฺส ปุรโต,
อภิโรเปสหํ ตทา.
สพฺเพ ชนา สมาคมฺม,
เปกฺขนฺติ ปุปฺผมุตฺตมํ;
เกนิทํ ปูชิตํ ปุปฺผํ,
พุทฺธเสฏฺฐสฺส ตาทิโน.
เตน จิตฺตปฺปสาเทน,
นิมฺมานํ อุปปชฺชหํ;
อนุโภมิ สกํ กมฺมํ,
ปุพฺเพ สุกตมตฺตโน.
ยํ ยํ โยนุปปชฺชามิ,
เทวตฺตํ อถ มานุสํ;
สพฺเพสานํ ปิโย โหมิ,
ปุปฺผปูชายิทํ ผลํ.
นาภิชานามิ กาเยน,
วาจาย อุท เจตสา;
สํยตานํ ตปสฺสีนํ,
กตํ อกฺโกสิตํ มยา.
เตน สุจริเตนาหํ,
จิตฺตสฺส ปณิธีหิ จ;
สพฺเพสํ ปูชิโต โหมิ,
อนกฺโกสสฺสิทํ ผลํ.
อิโต เอกาทเส กปฺเป,_
สหสฺสาโรสิ ขตฺติโย;
สตฺตรตนสมฺปนฺโน,
จกฺกวตฺตี มหพฺพโล.
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
อิตฺถํ สุทํ อายสฺมา สุมนาเวฬิโย เถโร อิมา คาถาโย อภาสิตฺถาติ.
สุมนาเวฬิยตฺเถรสฺสาปทานํ อฏฺฐมํ.