35.3 ธชทายกตฺเถรอปทาน
20.
3904
“ติโสฺส นาม อหุ สตฺถา,
โลกเชฏฺโฐ นราสโภ;
ตโยปธิกฺขเย ทิสฺวา,
ธชํ อาโรปิตํ มยา.
21.
3905
เตน กมฺเมน สุกเตน,
เจตนาปณิธีหิ จ;
ชหิตฺวา มานุสํ เทหํ,
ตาวติํสมคจฺฉหํ.
22.
3906
สตานํ ตีณิกฺขตฺตุญฺจ,
เทวรชฺชํ อการยิํ;
สตานํ ปญฺจกฺขตฺตุญฺจ,
จกฺกวตฺตี อโหสหํ.
23.
3907
ปเทสรชฺชํ วิปุลํ,
คณนาโต อสงฺขิยํ;
อนุโภมิ สกํ กมฺมํ,
ปุพฺเพ สุกตมตฺตโน.
24.
3908
ทฺเวนวุเต อิโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
ธชทานสฺสิทํ ผลํ.
25.
3909
อิจฺฉมาโน จหํ อชฺช,_
สกานนํ สปพฺพตํ;
โขมทุเสฺสน ฉาเทยฺยํ,
ตทา มยฺหํ กเต ผลํ.
26.
3910
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3911
อิตฺถํ สุทํ อายสฺมา ธชทายโก เถโร อิมา คาถาโย อภาสิตฺถาติ.
3912
ธชทายกตฺเถรสฺสาปทานํ ตติยํ.