35.5 นฬาคาริกตฺเถรอปทาน
31.
3919
“หิมวนฺตสฺสาวิทูเร,
หาริโต นาม ปพฺพโต;
สยมฺภู นารโท นาม,
รุกฺขมูเล วสี ตทา.
32.
3920
นฬาคารํ กริตฺวาน,
ติเณน ฉาทยิํ อหํ;
จงฺกมํ โสธยิตฺวาน,
สยมฺภุสฺส อทาสหํ.
33.
3921
จตุทฺทสสุ กปฺเปสุ,
เทวโลเก รมิํ อหํ;
จตุสตฺตติกฺขตฺตุญฺจ,
เทวรชฺชํ อการยิํ.
34.
3922
จตุสตฺตติกฺขตฺตุญฺจ,
จกฺกวตฺตี อโหสหํ;
ปเทสรชฺชํ วิปุลํ,
คณนาโต อสงฺขิยํ.
35.
3923
อุพฺพิทฺธํ ภวนํ มยฺหํ,_
อินฺทลฏฺฐีว อุคฺคตํ;_
สหสฺสถมฺภํ อตุลํ,
วิมานํ สปภสฺสรํ.
36.
3924
ทฺเว สมฺปตฺตี อนุโภตฺวา,
สุกฺกมูเลน โจทิโต;
โคตมสฺส ภควโต,
สาสเน ปพฺพชิํ อหํ.
37.
3925
ปธานปหิตตฺโตมฺหิ,
อุปสนฺโต นิรูปธิ;_
นาโคว พนฺธนํ เฉตฺวา,
วิหรามิ อนาสโว.
38.
3926
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
3927
อิตฺถํ สุทํ อายสฺมา นฬาคาริโก เถโร อิมา คาถาโย อภาสิตฺถาติ.
3928
นฬาคาริกตฺเถรสฺสาปทานํ ปญฺจมํ.