35.8 ติณมุฏฺฐิทายกตฺเถรอปทาน
“หิมวนฺตสฺสาวิทูเร,
ลมฺพโก นาม ปพฺพโต;
อุปติโสฺส นาม สมฺพุทฺโธ,_
อพฺโภกาสมฺหิ จงฺกมิ.
มิคลุทฺโท ตทา อาสิํ,
อรญฺเญ กานเน อหํ;
ทิสฺวาน ตํ เทวเทวํ,
สยมฺภุํ อปราชิตํ.
วิปฺปสนฺเนน จิตฺเตน,
ตทา ตสฺส มเหสิโน;
นิสีทนตฺถํ พุทฺธสฺส,
ติณมุฏฺฐิมทาสหํ.
ทตฺวาน เทวเทวสฺส,
ภิโยฺย จิตฺตํ ปสาทยิํ;
สมฺพุทฺธํ อภิวาเทตฺวา,
ปกฺกามิํ อุตฺตรามุโข.
อจิรํ คตมตฺตํ มํ,
มิคราชา อโปถยิ;
สีเหน โปถิโต สนฺโต,
ตตฺถ กาลงฺกโต อหํ.
อาสนฺเน เม กตํ กมฺมํ,
พุทฺธเสฏฺเฐ อนาสเว;
สุมุตฺโต สรเวโคว,
เทวโลกํ อคญฺฉหํ.
ยูโป ตตฺถ สุโภ อาสิ,
ปุญฺญกมฺมาภินิมฺมิโต;
สหสฺสกณฺโฑ สตเภณฺฑุ,
ธชาลุ หริตามโย.
ปภา นิทฺธาวเต ตสฺส,
สตรํสีว อุคฺคโต;
อากิณฺโณ เทวกญฺญาหิ,
อาโมทิํ กามกามหํ.
เทวโลกา จวิตฺวาน,
สุกฺกมูเลน โจทิโต;
อาคนฺตฺวาน มนุสฺสตฺตํ,
ปตฺโตมฺหิ อาสวกฺขยํ.
จตุนฺนวุติโต กปฺเป,
นิสีทนมทาสหํ;
ทุคฺคติํ นาภิชานามิ,
ติณมุฏฺฐิยิทํ ผลํ.
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
อิตฺถํ สุทํ อายสฺมา ติณมุฏฺฐิทายโก เถโร อิมา คาถาโย อภาสิตฺถาติ.
ติณมุฏฺฐิทายกตฺเถรสฺสาปทานํ อฏฺฐมํ.