36.1 สทฺทสญฺญกตฺเถรอปทาน
1.
3970
“มิคลุทฺโท ปุเร อาสิํ,
อรญฺเญ กานเน อหํ;
ตตฺถทฺทสาสิํ สมฺพุทฺธํ,
เทวสงฺฆปุรกฺขตํ.
2.
3971
จตุสจฺจํ ปกาเสนฺตํ,
อุทฺธรนฺตํ มหาชนํ;_
อสฺโสสิํ มธุรํ วาจํ,
กรวีกรุโทปมํ.
3.
3972
พฺรหฺมสรสฺส มุนิโน,
สิขิโน โลกพนฺธุโน;
โฆเส จิตฺตํ ปสาเทตฺวา,
ปตฺโตมฺหิ อาสวกฺขยํ.
4.
3973
เอกตฺติํเส อิโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
ปสาทสฺส อิทํ ผลํ.
5.
3974
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
3975
อิตฺถํ สุทํ อายสฺมา สทฺทสญฺญโก เถโร อิมา คาถาโย อภาสิตฺถาติ.
3976
สทฺทสญฺญกตฺเถรสฺสาปทานํ ปฐมํ.