36.10 ปิณฺฑปาติกตฺเถรอปทาน
37.
4024
“ติโสฺส นามาสิ สมฺพุทฺโธ,
วิหาสิ วิปิเน ตทา;
ตุสิตา หิ อิธาคนฺตฺวา,
ปิณฺฑปาตํ อทาสหํ.
38.
4025
สมฺพุทฺธมภิวาเทตฺวา,
ติสฺสํ นาม มหายสํ;
สกํ จิตฺตํ ปสาเทตฺวา,
ตุสิตํ อคมาสหํ.
39.
4026
ทฺเวนวุเต อิโต กปฺเป,
ยํ ทานมททิํ ตทา;
ทุคฺคติํ นาภิชานามิ,
ปิณฺฑปาตสฺสิทํ ผลํ.
40.
4027
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (3173)
4028
อิตฺถํ สุทํ อายสฺมา ปิณฺฑปาติโก เถโร อิมา คาถาโย อภาสิตฺถาติ.
4029
ปิณฺฑปาติกตฺเถรสฺสาปทานํ ทสมํ.
4030
สทฺทสญฺญกวคฺโค ฉตฺติํสติโม.
4031
ตสฺสุทฺทานํ
4032
สทฺทสญฺญี ยวสิโก,
กิํสุโกรณฺฑปุปฺผิโย;
อาลมฺพโน อมฺพยาคุ,
สุปุฏี มญฺจทายโก;
สรณํ ปิณฺฑปาโต จ,
คาถา ตาลีสเมว จ.