37.1 มนฺทารวปุปฺผิยตฺเถรอปทาน
1.
4033
“ตาวติํสา อิธาคนฺตฺวา,
มงฺคโล นาม มาณโว;
มนฺทารวํ คเหตฺวาน,
วิปสฺสิสฺส มเหสิโน.
2.
4034
สมาธินา นิสินฺนสฺส,
มตฺถเก ธารยิํ อหํ;
สตฺตาหํ ธารยิตฺวาน,
เทวโลกํ ปุนาคมิํ.
3.
4035
เอกนวุติโต กปฺเป,
ยํ ปุปฺผมภิปูชยิํ;
ทุคฺคติํ นาภิชานามิ,
พุทฺธปูชายิทํ ผลํ.
4.
4036
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
4037
อิตฺถํ สุทํ อายสฺมา มนฺทารวปุปฺผิโย เถโร อิมา คาถาโย อภาสิตฺถาติ.
4038
มนฺทารวปุปฺผิยตฺเถรสฺสาปทานํ ปฐมํ.