38.1 โพธิวนฺทกตฺเถรอปทาน
1.
4096
“ปาฏลิํ หริตํ ทิสฺวา,
ปาทปํ ธรณีรุหํ;
เอกํสํ อญฺชลิํ กตฺวา,
อวนฺทิํ ปาฏลิํ อหํ.
2.
4097
อญฺชลิํ ปคฺคเหตฺวาน,
ครุํ กตฺวาน มานสํ;
อนฺโตสุทฺธํ พหิสุทฺธํ,
สุวิมุตฺตมนาสวํ.
3.
4098
วิปสฺสิํ โลกมหิตํ,
กรุณาญาณสาครํ;
สมฺมุขา วิย สมฺพุทฺธํ,
อวนฺทิํ ปาฏลิํ อหํ.
4.
4099
เอกนวุติโต กปฺเป,
ยํ โพธิมภิวนฺทหํ;
ทุคฺคติํ นาภิชานามิ,
วนฺทนาย อิทํ ผลํ.
5.
4100
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
4101
อิตฺถํ สุทํ อายสฺมา โพธิวนฺทโก เถโร อิมา คาถาโย อภาสิตฺถาติ.
4102
โพธิวนฺทกตฺเถรสฺสาปทานํ ปฐมํ.