38.4 ปฏฺฏิปุปฺผิยตฺเถรอปทาน
22.
4123
“ยทา นิพฺพายิ สมฺพุทฺโธ,
มเหสี ปทุมุตฺตโร;
สมาคมฺม ชนา สพฺเพ,
สรีรํ นีหรนฺติ เต.
23.
4124
นีหรนฺเต สรีรมฺหิ,
วชฺชมานาสุ เภริสุ;
ปสนฺนจิตฺโต สุมโน,
ปฏฺฏิปุปฺผํ อปูชยิํ.
24.
4125
สตสหสฺสิโต กปฺเป,
ยํ ปุปฺผมภิปูชยิํ;
ทุคฺคติํ นาภิชานามิ,
สรีรปูชิเต ผลํ.
25.
4126
กิเลสา ฌาปิตา มยฺหํ,
ภวา สพฺเพ สมูหตา;
นาโคว พนฺธนํ เฉตฺวา,
วิหรามิ อนาสโว.
26.
4127
สฺวาคตํ วต เม อาสิ,
มม พุทฺธสฺส สนฺติเก;
ติโสฺส วิชฺชา อนุปฺปตฺตา,
กตํ พุทฺธสฺส สาสนํ.
27.
4128
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
4129
อิตฺถํ สุทํ อายสฺมา ปฏฺฏิปุปฺผิโย เถโร อิมา คาถาโย อภาสิตฺถาติ.
4130
ปฏฺฏิปุปฺผิยตฺเถรสฺสาปทานํ จตุตฺถํ.