39.1 อวฏผลทายกตฺเถรอปทาน
1.
4177
“สตรํสิ นาม ภควา,
สยมฺภู อปราชิโต;
วิเวกกาโม สมฺพุทฺโธ,
โคจรายาภินิกฺขมิ.
2.
4178
ผลหตฺโถ อหํ ทิสฺวา,
อุปคจฺฉิํ นราสภํ;_
ปสนฺนจิตฺโต สุมโน,
อวฏํ อททิํ ผลํ.
3.
4179
จตุนฺนวุติโต กปฺเป,
ยํ ผลมททิํ อหํ;
ทุคฺคติํ นาภิชานามิ,
ผลทานสฺสิทํ ผลํ.
4.
4180
กิเลสา ฌาปิตา มยฺหํ,
ภวา สพฺเพ สมูหตา;
นาโคว พนฺธนํ เฉตฺวา,
วิหรามิ อนาสโว.
5.
4181
สฺวาคตํ วต เม อาสิ,
มม พุทฺธสฺส สนฺติเก;
ติโสฺส วิชฺชา อนุปฺปตฺตา,
กตํ พุทฺธสฺส สาสนํ.
6.
4182
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
4183
อิตฺถํ สุทํ อายสฺมา อวฏผลทายโก เถโร อิมา คาถาโย อภาสิตฺถาติ.
4184
อวฏผลทายกตฺเถรสฺสาปทานํ ปฐมํ.