4.10 กปฺปรุกฺขิยตฺเถรอปทาน
108.
1198
“สิทฺธตฺถสฺส ภควโต,
ถูปเสฏฺฐสฺส สมฺมุขา;
วิจิตฺตทุเสฺส ลเคตฺวา,
กปฺปรุกฺขํ ฐเปสหํ.
109.
1199
ยํ ยํ โยนุปปชฺชามิ,
เทวตฺตํ อถ มานุสํ;
โสภยนฺโต มม ทฺวารํ,
กปฺปรุกฺโข ปติฏฺฐติ.
110.
1200
อหญฺจ ปริสา เจว,
เย เกจิ มม วสฺสิตา;
ตมฺหา ทุสฺสํ คเหตฺวาน,
นิวาเสม มยํ สทา.
111.
1201
จตุนฺนวุติโต กปฺเป,
ยํ รุกฺขํ ฐปยิํ อหํ;
ทุคฺคติํ นาภิชานามิ,
กปฺปรุกฺขสฺสิทํ ผลํ.
112.
1202
อิโต จ สตฺตเม กปฺเป,_
สุเจฬา อฏฺฐ ขตฺติยา;
สตฺตรตนสมฺปนฺนา,
จกฺกวตฺตี มหพฺพลา.
113.
1203
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (1103)
1204
อิตฺถํ สุทํ อายสฺมา กปฺปรุกฺขิโย เถโร อิมา คาถาโย อภาสิตฺถาติ.
1205
กปฺปรุกฺขิยตฺเถรสฺสาปทานํ ทสมํ.
1206
กุณฺฑธานวคฺโค จตุตฺโถ.
1207
ตสฺสุทฺทานํ
1208
กุณฺฑสาคตกจฺจานา,
อุทายี โมฆราชโก;_
อธิมุตฺโต ลสุณโท,
อายาคี ธมฺมจกฺกิโก;
กปฺปรุกฺขี จ ทสโม,
คาถา ทฺวยทสสตํ.