4.8 อายาคทายกตฺเถรอปทาน
94.
1180
“นิพฺพุเต โลกนาถมฺหิ,
สิขิมฺหิ วทตํ วเร;
หฏฺโฐ หฏฺเฐน จิตฺเตน,
อวนฺทิํ ถูปมุตฺตมํ.
95.
1181
วฑฺฒกีหิ กถาเปตฺวา,
มูลํ ทตฺวานหํ ตทา;
หฏฺโฐ หฏฺเฐน จิตฺเตน,
อายาคํ การเปสหํ.
96.
1182
อฏฺฐ กปฺปานิ เทเวสุ,
อพฺโพกิณฺณํ วสิํ อหํ;
อวเสเสสุ กปฺเปสุ,
โวกิณฺณํ สํสริํ อหํ.
97.
1183
กาเย วิสํ น กมติ,
สตฺถานิ น จ หนฺติ เม;
อุทเกหํ น มิยฺยามิ,_
อายาคสฺส อิทํ ผลํ.
98.
1184
ยทิจฺฉามิ อหํ วสฺสํ,
มหาเมโฆ ปวสฺสติ;
เทวาปิ เม วสํ เอนฺติ,
ปุญฺญกมฺมสฺสิทํ ผลํ.
99.
1185
สตฺตรตนสมฺปนฺโน,
ติํสกฺขตฺตุํ อโหสหํ;
น มํ เกจาวชานนฺติ,
ปุญฺญกมฺมสฺสิทํ ผลํ.
100.
1186
เอกตฺติํเส อิโต กปฺเป,
อายาคํ ยมการยิํ;
ทุคฺคติํ นาภิชานามิ,
อายาคสฺส อิทํ ผลํ.
101.
1187
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1188
อิตฺถํ สุทํ อายสฺมา อายาคทายโก เถโร อิมา คาถาโย อภาสิตฺถาติ.
1189
อายาคทายกตฺเถรสฺสาปทานํ อฏฺฐมํ.