40.1.1 จินฺตนาการ
3.
4300
‘พหู เมธิคตา โภคา,
ผีตํ อนฺเตปุรํ มม;
ราชาปิ สนฺนิมนฺเตสิ,
อานนฺโท ปถวิสฺสโร.
4.
4301
อยญฺจ พุทฺโธ อุปฺปนฺโน,
อธิจฺจุปฺปตฺติโก มุนิ;
สํวิชฺชนฺติ จ เม โภคา,
ทานํ ทสฺสามิ สตฺถุโน.
5.
4302
ปทุเมน ราชปุตฺเตน,
ทินฺนํ ทานวรํ ชิเน;
หตฺถินาเค จ ปลฺลงฺเก,
อปเสฺสนญฺจนปฺปกํ.
6.
4303
อหมฺปิ ทานํ ทสฺสามิ,
สํเฆ คณวรุตฺตเม;
อทินฺนปุพฺพมญฺเญสํ,
ภวิสฺสํ อาทิกมฺมิโก.
7.
4304
จินฺเตตฺวาหํ พหุวิธํ,
ยาเค ยสฺส สุขํผลํ;
ปริกฺขารทานมทฺทกฺขิํ,
มม สงฺกปฺปปูรณํ.
8.
4305
ปริกฺขารานิ ทสฺสามิ,
สํเฆ คณวรุตฺตเม;
อทินฺนปุพฺพมญฺเญสํ,
ภวิสฺสํ อาทิกมฺมิโก’.