45.3 พิลฺลิยตฺเถรอปทาน
15.
5793
“จนฺทภาคานทีตีเร,
อสฺสโม สุกโต มม;
พิลฺลรุกฺเขหิ อากิณฺโณ,
นานาทุมนิเสวิโต.
16.
5794
สุคนฺธํ เพลุวํ ทิสฺวา,
พุทฺธเสฏฺฐมนุสฺสริํ;
ขาริภารํ ปูรยิตฺวา,
ตุฏฺโฐ สํวิคฺคมานโส.
17.
5795
กกุสนฺธํ อุปาคมฺม,
พิลฺลปกฺกมทาสหํ;
ปุญฺญกฺเขตฺตสฺส วีรสฺส,
วิปฺปสนฺเนน เจตสา.
18.
5796
อิมสฺมิํเยว กปฺปสฺมิํ,_
ยํ ผลมททิํ ตทา;
ทุคฺคติํ นาภิชานามิ,
ผลทานสฺสิทํ ผลํ.
19.
5797
กิเลสา ฌาปิตา มยฺหํ,
_ …เป… _
วิหรามิ อนาสโว.
20.
5798
สฺวาคตํ วต เม อาสิ,
_ …เป… _
กตํ พุทฺธสฺส สาสนํ.
21.
5799
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
5800
อิตฺถํ สุทํ อายสฺมา พิลฺลิโย เถโร อิมา คาถาโย อภาสิตฺถาติ.
5801
พิลฺลิยตฺเถรสฺสาปทานํ ตติยํ.