5.4 สนฺนิฏฺฐาปกตฺเถรอปทาน
70.
1284
“อรญฺเญ กุฏิกํ กตฺวา,
วสามิ ปพฺพตนฺตเร;
ลาภาลาเภน สนฺตุฏฺโฐ,
ยเสน อยเสน จ.
71.
1285
ปทุมุตฺตโร โลกวิทู,
อาหุตีนํ ปฏิคฺคโห;
วสีสตสหเสฺสหิ,
อาคจฺฉิ มม สนฺติกํ.
72.
1286
อุปาคตํ มหานาคํ,_
ชลชุตฺตมนามกํ;
ติณสนฺถรํ ปญฺญาเปตฺวา,
อทาสิํ สตฺถุโน อหํ.
73.
1287
ปสนฺนจิตฺโต สุมโน,
อามณฺฑํ ปานียญฺจหํ;
อทาสิํ อุชุภูตสฺส,
วิปฺปสนฺเนน เจตสา.
74.
1288
สตสหสฺสิโต กปฺเป,
ยํ ทานมททิํ ตทา;
ทุคฺคติํ นาภิชานามิ,
อามณฺฑสฺส อิทํ ผลํ.
75.
1289
เอกตาลีสกปฺปมฺหิ,
เอโก อาสิํ อรินฺทโม;
สตฺตรตนสมฺปนฺโน,
จกฺกวตฺตี มหพฺพโล.
76.
1290
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1291
อิตฺถํ สุทํ อายสฺมา สนฺนิฏฺฐาปโก เถโร อิมา คาถาโย อภาสิตฺถาติ.
1292
สนฺนิฏฺฐาปกตฺเถรสฺสาปทานํ จตุตฺถํ.