50.5 อุปฑฺฒทุสฺสทายกตฺเถรอปทาน
“ปทุมุตฺตรภควโต,
สุชาโต นาม สาวโก;
ปํสุกูลํ คเวสนฺโต,
สงฺกาเร จรเต ตทา.
นคเร หํสวติยา,
ปเรสํ ภตโก อหํ;
อุปฑฺฒทุสฺสํ ทตฺวาน,_
สิรสา อภิวาทยิํ.
เตน กมฺเมน สุกเตน,
เจตนาปณิธีหิ จ;
ชหิตฺวา มานุสํ เทหํ,
ตาวติํสมคจฺฉหํ.
เตตฺติํสกฺขตฺตุํ เทวินฺโท,
เทวรชฺชมการยิํ;
สตฺตสตฺตติกฺขตฺตุญฺจ,
จกฺกวตฺตี อโหสหํ.
ปเทสรชฺชํ วิปุลํ,
คณนาโต อสงฺขิยํ;
อุปฑฺฒทุสฺสทาเนน,_
โมทามิ อกุโตภโย.
อิจฺฉมาโน จหํ อชฺช,_
สกานนํ สปพฺพตํ;
โขมทุเสฺสหิ ฉาเทยฺยํ,
อฑฺฒทุสฺสสฺสิทํ ผลํ.
สตสหสฺสิโต กปฺเป,
ยํ ทานมททิํ ตทา;
ทุคฺคติํ นาภิชานามิ,
อฑฺฒทุสฺสสฺสิทํ ผลํ.
กิเลสา ฌาปิตา มยฺหํ,
_ …เป… _
วิหรามิ อนาสโว.
สฺวาคตํ วต เม อาสิ,
_ …เป… _
กตํ พุทฺธสฺส สาสนํ.
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
อิตฺถํ สุทํ อายสฺมา อุปฑฺฒทุสฺสทายโก เถโร อิมา คาถาโย อภาสิตฺถาติ.
อุปฑฺฒทุสฺสทายกตฺเถรสฺสาปทานํ ปญฺจมํ.